Alga

Algas en a costa de Taiwan.

Un alga u, coloquialment berra d'augua, ye un organismo eucariota acuatico fotosintetico sin de teixius. As algas no representan un grupo natural con valura taxonomica (son un grupo polifiletico). Se considera algas tanto a organismos unicelulars como as Diatomea como a organismos multicelulars como cualques Phaeophyceae de dica 50 m. En a clasificación de Whittaker s'incluyiban en o reino Protista.

As algas tienen importancia ecolochica como productors en os ecosistemas acuaticos. O fitoplancton ye formau por algas unicelulars, destacando as diatomeas, as Chlorophyta unicelulars y as Dinoflagellata. As algas bentonicas tienen importancia en as plataformas continentals y en as costas, destacando as Chlorophyta multicelulars, as Phaeophyceae y as Rhodophyta. En auguas continentals destacan como algas planctonicas as Chlorophyta y as Charophyta.

Fitonomia

En aragonés a denominación alga se troba ya en a traducción aragonesa d'o "Libro de Paladio":

Otros mete(n) ala rrayz dela figuera. Alga de mar./ o vn faxo de paja delos luppins/ o atramuzes/.

E mete(n) enlas rrayzes closcas de muscles / o de pechelid[o]s/ o alga de mar/. E otros son q(ue) toma(n) las ma(n)çanas de las tuberas

E dize mas q(ue) sy les metes alga de mar en las rrayzes mezclada co(n) estie(r)col. faze(n) se mucho bellas

Otros mete(n) alas rrayzes alga de mar. E rriega(n) el mjlgrano dos vezes enel mes.

E q(ue) enla rrayz p(ri)nçipal fagas vn forado barrenado E q(ue) y metas vna estaca de tea de pjno/ o q(ue) metas enlas rrayzes Alga marina/. co(n)la q(ua)l alga algunos mezcla(n) estie(r)col de asno/ o de pue(r)co/

Se veiga tamién

• Eutrofización.

• Datos: Q37868
• Multimedia: Algae / Q37868
• Especies: Algae