Haaptsäit
Wëllkomm op der Wikipedia op Lëtzebuergesch!
Am Moment gëtt et 66.468 Artikelen an 134 aktiv Benotzer, an all Mount kommen Dosenden nei Artikelen derbäi.
Jidderee kann hei matmaachen – och Dir!
Aktuell WikiProjeten: Kënschtlerbiographien, Leit op Stroosseschëlter
Wousst Dir schonn, datt…
- … d'Land Cap Vert säin Numm vun engem Kap 500 km wäit ewech zu Dakar am Senegal huet, dat den Inselen hiren Numm ginn huet?
- … et iwwer 30 Joer no Wien a München och an der lëtzebuergescher Konschtszeen zu enger Sezessioun koum, déi der moderner Molerei zum Duerchbroch verhollef huet?
- … déi lëtzebuergesch-franséisch Archeologekoppel Joseph Hackin a Ria Hackin-Parmentier 1941 beim Ënnergang vum Cargoschëff SS Jonathan Holt , dat torpedéiert gouf, ëm d'Liewe koumen?
- … d'Iddi fir den Eiffeltuerm vum Elsässer Ingenieur Maurice Koechlin war?
- … den Aristarch vu Samos (ëm 310 - ëm 230 v. Chr.) och alt „griichesche Kopernikus“ genannt gëtt, well hien als ee vun den Éischten d'heliozentrescht Weltbild vertratt huet, no deem d'Sonn an net d'Äerd am Zentrum vum Weltall stéing?
Artikel vun der Woch
D'Marie-Antoinette, gebuer den 2. November 1755 zu Wien als Maria Antonia Josepha Johanna vun Habsburg-Loutrengen, a gestuerwen zu Paräis de 16. Oktober 1793, war Äerzherzogin vun Éisträich, vu 1770 bis 1774 Dauphine vu Frankräich, a vun du bis 1792, als Fra vum Louis XVI., Kinnigin vu Frankräich an Navarra.
D'Fransouse waren ufanks vun hirem Charme an hirer Schéinheet beandrockt, mä geschwënn huet sech dat geännert, an der "Autrichienne" (mat Betounung op "chienne") gouf virgeheit, si wier prunksüchteg, géif friemgoen, a géif mat de Feinde vu Frankräich, besonnesch den Éisträicher, komplottéieren. D'Affär ëm d'Halsketten (mat där se näischt ze dinn hat) huet hire Ruff weider geschiedegt, a si krut spéiderhin de Spëtznumm Madame Déficit, well hir verschwenderesch Ausgaben dru Schold sollte sinn, datt et de franséische Staatsfinanze sou schlecht géing.
No der Flucht op Varennes, déi bei der Bevëlkerung ganz schlecht ukoum, gouf de Louis XVI. ofgesat, d'Monarchie ofgeschaaft an d'kinneklech Famill an den Temple-Prisong gestach. Aacht Méint nodeems hire Mann guillotinéiert gi war, gouf och der Marie Antoinette de Prozess gemaach, si hätt d'Prinzipie vun der Revolutioun verroden. Och si gouf zum Doud verurteelt an de 16. Oktober 1793 gekäppt... > méi
Op engem 22. Januar
- 1561: Den englesche Philosoph Francis Bacon gëtt gebuer.
- 1729: Den däitsche Philosoph an Dichter Gotthold Ephraim Lessing kënnt op d'Welt.
- 1788: Gebuert vum engleschen Dichter George Gordon Byron.
- 1865: Den US-amerikanesche Pharmakolog Wilbur L. Scoville gëtt gebuer.
- 1901: Doud vun der Victoria I., Kinnigin vu Groussbritannien.
- 1909: De birmanesche Politiker an 3. UN-Generalsekretär Sithu U Thant kënnt op d'Welt.
- 1954: Gebuert vum US-amerikanesche Regisseur Jim Jarmusch.
- 1963 Den Elysée-Vertrag tëscht Däitschland a Frankräich gëtt vum Konrad Adenauer a vum Charles de Gaulle ënnerschriwwen.
Kierzlech Verstuerwen
- 21. Januar: Colette Flesch, lëtzebuergesch Politikerin a Sportlerin.
- 19. Januar: Valentino Garavani, italieenesche Moudendesigner.
- 11. Januar: Catherine Samie, franséisch Schauspillerin
- 10. Januar: Erich von Däniken, Schwäizer Auteur.
- 6. Januar: Robert Goebbels, lëtzebuergesche Politiker.
E Bléck op…
Aner Wikimediaprojeten
Meta-Wiki– Koordinatioun
Commons– Medien
Wiktionnaire – Dictionnaire
Wikibooks – Léierbicher
Wikiquote – Zitater
Wikiversity – Léierplattform
Wikisource – Quellen
Wikinews – Noriichten
Wikidata – Wëssensdatebank
Wikivoyage – Reesguiden
MediaWiki – MediaWiki-Software
Wikispecies – Datebank fir Liewewiesen
Wikifunctions – Funktiounsbibliothéik