2001

2001 година, според грегоријанскиот календар е првата година од XXI век и од 3 милениум. Сепак, популарната култура често ја зема 2000 година како прва од новиот милениум.

Настани

јануари

• 1 јануари - Црн монолит висок приближно 2,7 метри се појавува над Магнусон Парк, Сиетл, поставен од страна на анонимен уметник како референца на книгата/филмот Одисеја 2001.
• 6 јануари - Конгресот на САД ја потврдува победата на Џорџ В. Буш на претседателските избори од 2000.
• 15 јануари - Википедија е пуштена во употреба.
• 22 јануари - Еден македонски полицаец е убиен, а тројца ранети во нападот на полициската станица во Теарце, во близина на Тетово.

февруари

• 12 февруари - Први вооружени пресметки меѓу македонските сили за безбедност и припадниците на ОНА, што се смета како датум на почеток на воената криза во Македонија.

март

• 4 март - Тројца македонски војници се убиени во близина на северната граница.
• 22 март - Претседателот Борис Трајковски најавува жестока акција против припадниците на ОНА. Македонските безбедносни сили започнуваат офанзива во регионот на Тетово.
• 23 март - Руската вселенска станица Мир влегува во атмосферата во близина на Нади, Фиџи, и паѓа во Тихиот Океан.

април

• 28 април - Кај Вејце, Тетовско, се масакрирани 8 припадници на македонските безбедносни сили од страна на припадници на ОНА. Настанот се смета за едно од најголемите ѕверства во поновата македонска историја.
• 1 април - Слободан Милошевиќ им се предава на српските безбедносни сили.
• 1 април - Холандија станува првата земја во светот што ги легализира браковите на партнери од ист пол.

мај

• 1 мај - Како реакција на масакрот кај Вејце, во насилни демонстрации во Битола се запалени повеќе од 40 албански куќи, дуќани и фирми.
• 13 мај - Формирана е Владата на широката коалиција, во која учествуваат најзначајните политички субјекти: ВМРО ДПМНЕ, СДСМ, ДПА и ПДП. Премиер е Љубчо Георгиевски.
• 28 мај - Во Хрватска е основана првата приватна телевизија, Нова ТВ.

јуни

• 8 јуни - Припадниците на ОНА воспоставуваат контрола врз скопското село Арачиново.
• 12 јуни - Генерал потполковник Јован Андревски, Началник на Генералштабот на АРМ, поднесе неотповиклива оставка, како морален чин, сочувствувајќи со огромната загуба на млади животи во Армијата.
• 24 јуни - Припадниците на ОНА се повлекуваат од Арачиново под заштита на силите на НАТО.

август

• 7 август - Македонските безбедносни сили, во вооружена пресметка, ликвидираат петмина осомничени албански терористи во Скопје.
• 8 август - Десет припадници на безбедносните сили на Република Македонија се убиени, а тројца се повредени во нападот на албанските терористи врз воениот конвој кај местото Карпалак на патот Скопје - Тетово.
• 13 август - Потпишан е Охридскиот рамковен договор, со што е ставен крај на воената криза во Република Македонија.

септември

• 11 септември - Извршени се терористички напади во Њујорк, Вашингтон, Вирџинија и Пенсилванија од страна на терористичката организација Ал-Каеда.

октомври

• 7 октомври - Со напад на САД и Британија врз Авганистан започнува Авганистанската војна.

ноември

• 10 ноември - Кина е примена во СТО по 15-годишни преговори.
• 15 ноември - Прогласени се Амандманите на Уставот на Република Македонија, во согласност со Охридскиот рамковен договор.
• 16 ноември - Македонскиот претседател Борис Трајковски го потпиша писмото со кое формално се потврдува амнестијата за поранешните членови на т.н. ОНА кои доброволно го предале оружјето.
• 20 ноември - Во Тетово е официјално отворен Универзитетот на Југоисточна Европа.
• 21 ноември - СДСМ и ЛДП ја напуштија широката владина коалиција, предводена од Љубчо Георгиевски.
• 21 ноември - Хашкиот трибунал официјално отвори две истраги за воени злосторства сторени за време на вооружениот конфликт во Македонија.
• 30 ноември - Собранието на Република Македонија, со мнозинство гласови, го прифати седмиот по ред владин состав на Премиерот Љубчо Георгиевски.

декември

• 12 декември - Демократска алтернатива стана вон-парламентарна партија, откако сите пет пратеници на пратеничката група ја напуштија партијата и решија да настапуваат како независни пратеници.
• 13 декември - Македонскиот амбасадор во САД, Никола Димитров, му ги предаде во Вашингтон акредитивните писма на американскиот претседател, Џорџ Буш.

Починале

• 12 март - Роберт Ладлам, писател на шпионски романи (роден 1927)
• 11 мај - Даглас Адамс, англиски писател (роден 1952)
• 12 јули - Јован Котески, македонски поет
• 21 јули - Крсте Црвенковски, македонски политичар
• 29 ноември - Џорџ Харисон, поранешен гитарист на The Beatles
• 20 декември - Леополд Сенгор, сенегалски поет и претседател

Поврзано

• Календарот за таа година

Надворешни врски

• 2001 на Ризницата ^?